Psa 20 | NdeIBE | STEP | Kumqondisi wokuhlabela. Ihubo likaDavida Sengathi uJehova angakuphendula nxa usenkathazweni; sengathi ibizo likaNkulunkulu kaJakhobe lingakuvikela.

Psalms 20

Kumqondisi wokuhlabela. Ihubo likaDavida

1 Sengathi uJehova angakuphendula nxa usenkathazweni; sengathi ibizo likaNkulunkulu kaJakhobe lingakuvikela.

2 Sengathi angakuthumela usizo luvela endlini engcwele akunike ukuhlomulela kuvela eZiyoni.

3 Sengathi angakhumbula yonke imihlatshelo yakho emukele iminikelo yakho yokutshiswa.

4 Sengathi angakupha isifiso senhliziyo yakho enze izimiso zakho zonke ziphumelele.

5 Sizamemeza ngokujabula lapho usunqobile, siphakamise uphawu lwethu egameni likaNkulunkulu wethu. Sengathi uJehova angakupha zonke izicelo zakho.

6 Manje sengisazi ukuthi uJehova uyamhlenga ogcotshiweyo wakhe; uyamphendula esezulwini lakhe elingcwele ngamandla akhe asindisayo awesandla sakhe sokunene.

7 Abanye bathemba izinqola zempi, abanye amabhiza, kodwa thina sithemba ibizo likaJehova uNkulunkulu wethu.

8 Bafuqelwa phansi bawe, kodwa thina siyaphakama sime sigxile.

9 O Jehova, sindisa inkosi! Sabela lapho simemeza!